KULTURAKO ARESIPE -134 - "NEVO PACIPE NEVO SUMNALIPE" - Seljadin Salijesor

Seljadin Salijesor

Dzilji:"NEVO PACIPE NEVO SUMNALIPE"

Pecatimij tani ani angluni pustik dziljengir:

„BAHTALE DIVE ATAR MIRE SUNE"

Ano iranipe:"SREĆNI DANI MOJIH SNOVA"1984.bers.

Ki romani chib

Kotar autori:SELJAJDIN SALIJESOR

Ikalipe:SAJEKHUTNIPASIR KOMUNA – PREŠEVA

"NEVO PACIPE NEVO SUMNALIPE"

Nevo pacipe, nevo sumnalipe,

Niconja ano amare vilja,

Te pacari, amaro dzivdipe,

Sar, o majsuzo asajba, kotar majsuze chaja.

O nevo pacipe, amaro sukaripe,

Hor, sar majbaro devrijalipe,

Ah!Phrala, but butij suzo, akava dzivdipe.

Ov ano amare vilja,cirla sunardo,

Oljese sijam bokhalje,

So roveja phrala.So sijan rovjardo?

Nane lji tuth maro? Icer alje.

O nevo pacipe ano akava sumnalipe,

Sarinenje andza, baro sukaripe,

Marov phrala, marov. Na sine amen nikana, akava sukaripe.

Kos phrala, te asva,

Na phireja hudje, andor gava,

Te ane, te chavenje, jekh kotor maro,

Te ikljoven dzivdipaa, ano agoro.

Dikheja ace,.Nevo pacipe, nevo sumnalipe,

Sar sa sukaripaa, pacari amaro dzivdipe,

Isamen phrala, baro lacipe.

Nikana amen adjahare, na sine amen,

O nevo sumnalipe, adjahare pikendar cerdzamen,

Thaj amen, sukar dzivdipe, te cera,

Amaro coripe, dukhencar, te na rovjara.

Nevo pacipe, nevo sumnalipe,

Sine, amaro sunaripe,

Alo, o dive ace.Pacari amaro dzivdipe.

Seljadin Salijesor