KULTURAKO ARESIPE- "HOVAVNO DUNJALOKO - HOVAVNO SVETO -Seljadin Salijesor

Seljadin Salijesor

"HOVAVNO DUNJALOKO - HOVAVNO SVETO

Ah! Dzivdipe...dzivdipe,
So garaveja ano tute?
Lalore chibjaa, pucava tuth,
Sar devle.Te mothove mae, 

Kozomij tano baro, amaro dzivdipe?

Sose?Phiraa, racencar bokhalje?
Palo kotora maro, te achova,
Pana dajekh dive djivde.
Ah!Dzivdipe...dzivdipe,
So garaveja ano tute?

Dikh...vazdime sere. Dikhena ano tute.
Dji kana, ratvalo pani,ka pija?
Dji kana i car, ko than, e panjesor, ka has?
Ah! Dzivdipe...dzivdipe,
So garaveja ano tute?

Kaj sine, te jacha? So i bavlal, legardza havajaa,
Oljenger bala, a o kham, oljenger jacha korjacerdza.
Me, me lalore chibjaa .Korkori man pucava.
Cace lji akava, so me dikhava?
Jase, salde maje odova, adjahare dichola.

Te isi tuth vasa, pasacerljen ano te brekha, 
Sun,sar marela, to vilo ,po hari,po krotko,
Samci, kana, ki dar, nikana, na suca.
Me, dji otockani, dzangavdiljum, atar ,o sojba,
Acarava, sar basi mande ,po hari avava.

Vacerava, korkori mancara.Hej Seljo!
De tuth godi hor hari.
Bisterdzan, so, o manus haljolape, lafjeja,
A i stoka kasteja.Odoljese, o khoraja phenena,
Akava sveto tano: Jalandji dunja,

A dji,o Roma phenena: Akava dunjaloko,
Akava sveto tano: Hovavno sveto.