Írta: Jan Michaj
Sas kado dolmut kodoleske, o Bangorro nas amare romenca
ta kavre romenca. Kodol rom denas bari patyiv le Bangorres: Voj le romenca sas
sako dyes kethane. No, so te phenav tumenge – o Bangorro sas sar vajda mashkar
kodol rom. So chi zhanen, sa kathar o Bangorro pushen.
Feri jekhvarsa avel jekh
phuro rom kaj o Bangorro haj mangel les te iskiril leske lil kaj lesko shavo,
kaj sas kavre romenca dur kothar, de chi zhannas kaj si e bari Rusia.
O Bangorro,
sar phenlas le shavorenge, chi te ginavel haj te iskiril, chi zhanlas khanchi.
Sar mangel les o phuro rom, haj voj ande patyiv, numa si aba te inkrel la.
Beshelas tele, lelas papiroshi haj iskirilas, de so iskirilas chi voj na
zhanlas.
Kana iskirindas sa, mangel les o phuro Rrom te ginavel
leske, te dikhel chi sa kadej sar phenelas voj leske. Kamel vaj na, si te
ginavel. De dur godyate, gelas feri anglune vorbi:
– Muro kuch shavo!
Pala kodo phenel:
– Chi akharav mishto kadal vorbi kaj aven akanak, si
kate „avav” vaj „kerav”, „dilo” vaj „ilo”. Aj, sar kado.
– Bangorra!, kana tu iskirindan haj nashtik ginaves,
apoj kon ginavela kado?
– Kuch!ona phure rom!a, phenel o Bangorro, kadi naj
muri butyi.
Muri butyi sas te iskiri o lil haj na te ginavav les.
Haj numa kado lil naj tuke iskirime, haj na tu ginavesa
les, apoj sostar tu kade gindisares pal kado?
Pala kadi butyi, las, sityilas o bangorro te iskiril
haj te ginavel.
Nema komentara:
Objavi komentar