KULTURAKO ARESIPE - Dzilji:"SUZORIJE" -Seljadin Salijesor

Seljadin Salijesor

Dzilji:"SUZORIJE"

Korkoro sijum...

Me naja djelje tane, palo ljeste,

Bi trajoser hapencar, palo ljeste phirava,

Hem po hari, mi godi nasalava.

Ah!Tu mire mangle kamipaa,

Kaj djeljan drumo, bi irimnjaser avipaa,

Sose, na achiljan mancara, te bese?

Me vilesor rojba, te sune.

Te na aljan mae.Ka mudara man terni,

Ci, uzo drumo uzal, mo limori, kana ka ove,

Te nakhe. Iran nakh,othe, te terdjove

Ani ucalini, sudri, mire sudripasiri.

Te dikhe, kuri cirnjovava, Basi: Amaro kamipe,

Savo nakhljamlje, Bersencara - lache.

Korkoro sijum... Me vileste,

Tu sijan salde hem khoni na, aver.

Adjahar,gial - giasi,

Ano gndipe - kediakesi,

So ka avel mae,dajekh dive?

Kana,amare vilja,ka oven bahtale.

Sar, dji erati, kana sijamlje,

Mangle ani angali - mangljarde,

Jekh jekheja, sar, o bar hem i phuv phanlje,

Sa dji, o meriba bi bisterde - bi ulavde...

Seljadi Salijesor