SELJAJDIN - SALIJESOR
Dzilji:"UDURI KURI O KHAM BIJANDJOLA"
Esavke, amen sijam,
Bersencara oljeja phirdzam,
Oljeja bijandiljam,
Oljeja zadjinjam.
A akana, o khamij tano dur uco,
A dji amen kalje, thare cuce vileja,
Dikhaalje ,sar kasuke - lalore,
Godzaa, samci nasalde.
Amare vasta, kotar kham thare.
Uduri, kote ov bijandjola,
Phirdzam, sar bi godzakoro, oljeja
Ase, sar oljeste khoni, adjahar dzando, na sine.
Phirdzam, dur ano duripe, oljeja
Po drumo mothodza amenje, tharune umlaleja,
Phirdzam, phirdzam, kuri djeljam, na dzandzam.
Ase icerdzam pacipe, amare dive, te nakhava oljeja.
O kham,amare vasta thardza,
A o borsin, amare bala sapancerdza
Upro amende, amari morti thabilji,
Amen, korkori te da godi,po hari.
Mekh anglo tumende, sa neka thavdel,
Ratvalo devrijalipe, te ovel tumaro pacipe,
Jagalo, to vilo, te thabljol,
Ma achav, e khame rahati te sovel.
Puclje, te mujeja, kurij tano bijando?
Sose, nane salde ov dzando,
Te na vacerdza ov, neka vaceri, e sunakir cereni,
Kurij...kurij tano bijando.
SELJAJDIN - SALIJESOR
Nema komentara:
Objavi komentar