BAJKA - PARAMICHI - O platniko Shalamon kraj

O platniko Shalamon kraj 

  

Írta: Nagy Gusztáv  

      

O Shalamon, daba nachilas deshe bershengo, kana kraj kerdyilas anda leste. Kamel o Devles, haj peske dadeske, e Davideske, pattyalas leski vorba. O Del lichomejko kathar o Shalamon, haj anda kado, kana ratyi sovel, kodo phenel leske ande sune: Shalamon so manges mandar?

O Shalamon, kade das vorba: O, Devla, muro Del, inke terno som, haj inke chi zhanav, sar trubul te rajilma. Dema platnikipe, te zhanav te ingrav tyire manushen.

E Devles fajlas e Shalamonesko doro. Anda kado, kodo phenel: Kaj platikipe manglan haj na lungo trajo, thaj barvalipe, maj baro platnikipe davtu sar, sakones ande luma. Ba, vikodo dav, so chi maglan; davtu vi barvalimo haj vi luvudyilja.

Na pa buteste duj romnya avile kaj o Shalamon, jek zhuvji. Pej luma andem jekhe shaves, palakodo vi vij shaves andas pe luma, duje dyesenca maj palal. Jek ratyi kodo pelaspe, hoj mulas lako cino shavo. 

Haj kana sutomtar, peske mule shaves pashama shutas les, mures pale ingerdas. Kana opre ushtyilom, haj dikhlem e mule shavores, sama lem ke na muroj. E kaver zhuvji pe kado kodo phenel: Naj chaches! O zhuvindo shavo muroj, o mulo pale lakoj. – Kade xampe e romnya. So kerel pe kado o Shalamon?

Bishavel varikas pala jek xanro, haj kana andeles, kado phenel: Shin pe duj riga le shavores, te avel vi la jekha vi la kavera, pok-pok dopash anda shavo.

Tena! – cipil e chachi romnyi. 

Na murdar mure shavores! Tal lako sar te merel! E kaver romnyi pale kade phenel: Chi mange, chi lake, na deles; feder te shines les dopash! Po agor das duma, o Shalamon: Na murdar e shavores! Deles kothe e angluna zhuvlyake.

Voj si e chachi dej. O Shalamon, kothar zhanelas kado ke e chachi dej kade kamel peske shavores, hoj feder kothe delles la kavera zhuvjake sar, te murdaren les. Kana e manusha ashude, ke sosko platikoj o Shalamon, zurales loshanas leske, kaj godyaver kraj sas. 

Tela e Shalamonesko rajipe, o Del zhutil pe manusha, haj lenge phuva barvarel. But dyiv, but draka haj sogodi das O Del te avel. 

Sakone manushes, suhar kher si, suhar gada, haj but sogodi ands sako lashipe.