Feder
khetan dschivipe le use roasime
Romenca
manglo ol
O
presidento le foroskere dijestar Ulrich Maly (SPD) mangla, hot o khetan
dschivipe le use roasime Romenca andar i Rumenija taj Bulgarija feder iste ol.
„Me gondolinav, hot i Germanija meg jek historischi vitesi gejng o Roma iste
tel ledschel taj vaschoda iste meg feder upre lende diklo ol“, phentscha o Maly
upro „Deutschlandradijo Kultur“.
Butvar diklo iste ol, saj „instrumentartscha la
integracijatar“ del.
Jek putripe hi, le manuschenge ande lengeri hajmat te
pomoschinel, phentscha o uprutno biro andar Nürnberg. „Taj o dujto putripe hi,
hot odolenge, save use amende an, latsche integracijakere kojenca andi
bundakeri republika Germanija, pomoschim ol.“
Le dikipeha upro bibastale vakeriptscha poar komunendar
pedar o use roasima rumenitike taj bulgaritike varnintscha o Maly angli
dramatisirung. Nan tschatscho, te pedar „socijali tourismus“ vakerdo ulo taj
„apokaliptischi visijontscha te formulirinel“ pedar o bulgaritike taj
rumenitike, save tschak andi Germanija an, kaj adaj o socijali pomoschagoskere
loj uschtiden. But adale manuschendar vaschoda an, kaj le imar ande pumare
hajmatakere vilagi „argranicalim taj prekarisirim“ on, phentscha o Maly.
Nema komentara:
Objavi komentar