KULTURAKO ARESIPE -136 -"P A N J A" - Seljadin Salijesor

Seljadin Salijesor

Dzilji:"PANJA"Ano iranipe gadjikane chibjate:"ZNOJAVI"

Pecatimi tani ani pustik:"BAHTALE DIVE ATAR MIRE SUNE"1984.bers.

Ikalipe:Jekhutni atar kultura thaj sikavdipe - Preševa

"P A N J A"

Thavdena me panja,

atar dukha, atar cidle,

mo vilo ka pharol,

isima baro, baro cidljaripe.

Me sikamno,

maskaro roma, siljum meklo,

dive diveja nakhlo,

a me ano mande, achiljum gavrado.

Odoljesa akana rovava,

sose o dukha but, but barilje,

a o dive nakhlje, a me chave,

dji te oven djivde ani tomina achilja.

Thavden pe panja,

dukhaman o dukha,

bajron me cidle,

sose ? sa me drumnja phanljilje.

Thavden me panja...

Thavdena...

autor: SELJAJDIN SALIJEVIĆ - SALIJESOR