KULTURAKO ARESIPE-119 - "ROMENGOR PHIRUTNIPA"- SELJAJDIN SALIJEVIĆ

SELJAJDIN SALIJEVIĆ

Dzilji:"ROMENGOR PHIRUTNIPA"

Pecatimij tani ani trito pustik dziljengir:

"KHAMESOR DROM ANO DZIVDIPE ROMENGOR"

Ano iranipe:"PUT SUNCA U ZIVOTU ROMA" 2009.bers.

Ki romani thaj gadjikani chib

Kotar autori: SELJAJDIN SALIJEVIĆ

Ikalipe: SAJEEKUTNIPASIR KOMUNA - PREŠEVA

"ROMENGOR PHIRUTNIPA"

Phirdzam, tharuni sunije,

Nasalde dukhone, phari cidlije,

Kotar bari arman, jag tharije,

Talo vorda, phenli sihinlije.

Phirdzam, kalje racenje,

Korjarde jachenje - divenje,

Tajsaser, phare sunenje,

Bare, kaljarde armanjenje.

Phirdzam, durikane cerenjenje,

Upro bar, talo kas,

Mudarde Romenje,

Devljeser deve, sune sunardenje.

Phirdzam, o pacipe ano amende, te barjol,

I rath ano amaare vile, te disjol,

O kham, kotar amari phenli, te macol,

Te cheljel upri phuv, sar bljeveleja,kana nasaldjol.

Phirdzam, tharuni sunije,

Nasalde dukhone, phari cidlije,

Kotar amaro bersengor phirutnipe,

PHUVJONE AMARIJE INDIJO ROVJACERDIJE.

SELJAJDIN SALIJEVIĆ