Seljadin Salijesor
Dzilji: "ROVJARAVA ULAVDO KAMIPE"
Pecatimij tani ani trito pustik dziljengir:
„KHAMESOR DROM ANO DZIVDIPE ROMENGOR"2009.bers.
Ki romani chib
Kotar autori: SELJAJDIN SALIJESOR
Ikalipe: SAJEKHUTNIPASIR KOMUNA – PREŠEVA
"ROVJARAVA ULAVDO KAMIPE"
Othe ano dakikja agoripasere,
Ano nilajesor, suzipasor sungalipe,
Thabljovava, maskaro phaka tire,
Dijanava, ko dive patrnjengor,
To kamipe, kuri barjona,
O luludza nilajesere.
Ah!Nane odola ciriklje, save kamlje,
Te ceren amendje, salde busastipe,
Sar cesiti luludza - carjalipe.
Ti dukh, o kamipe
I diha thaj o hapja,
Salde me, ka dzanav ljen.
Odoljese. Dikh chaje, o kham.
Ov, ka vaceri tuce mandara,
So mangava tuth, sa disostar, po buter.
Me tuce manglije, sar chavoro rovava,
Sar, o thuv havajaa nasaldjovava,
Amaro ulavdo kamipe, rovjarava,
Amaro asaba, so dijanela ko asva, sucarava.
I dukh thaj i cidlijaripe, amare vilesoro,
Dji sijum djivdo, ka icerav ano mo vilo.
Me dive rath, sa dji te na phandav,
Me jacha.Me godzatar, me tuth Seho,
Nikana ano mo dzivdipe, naka bistrav.
Seljadin Salijesor
Nema komentara:
Objavi komentar