O „palgondolipeskero bersch“ 2014

O „palgondolipeskero bersch“ 2014

Bare historischi keriptscha o neve anava le keriptschendar ando arto bersch ledschen. O 100. berscheskero di, kada o 1ti themeskero haburi kesdintscha, o 75to berscheskero di, kada o 2to themeskero haburi kesdintscha, o 70to berscheskero di „D-Day“ taj o 25to berscheskero di, kada o falo pelo. Historikertscha taj pisimaschtscha ada ari akaripe aun line.

Sorale kenvi uso erschti themeskero haburi

O C.H. Beck-falog phentscha, hot sorale neve ardiptscha dela, telal lendar „Die Büchse der Pandorra“ - jek 800 riktschakeri sorali historija le erschti themeskere haburistar le historikeristar andar Freiburg, Jörn Leonhard. O falog Klett-Cotta le Ernst Jüngeriskeri kenva „Feldpostbriefe andi Familie“ ari anel. Ando glajchi falog te o historischi kritischi ardipe le Jüngeristar „In Stahlgewittern“ ari al. Jek le lek barikaneder verkistar use ada schitikno kapitel nimtschka historijatar imar o nimtschko falogiskero-kher la kenvaha „Die Schlafwandler“ le Christopher Clarkistar, ange paschlartscha.

Kenvi uso dujto themeskero haburi taj uso holocaust

Ham te neve kenvi uso dujto themeskero haburi taj uso holocaust - historikerenge te jek ari ajipe le erschti themeskere haburistar - o regaltscha ando kenvakere boti pheren. O britanitiko historikeri David Cesarani pra kenvaha „Holocaust - Das Schicksal der Juden 1933 bis 1948“ (Ullstein) jek nevo forschinipeskero verk, angle paschlarel. Ando S. Fischer falog i kenva „Untergetaucht" ari al. Jek terni dschuvli ande Berlin 1940 - 1945“, savi prik dschil. I kenva andar 70 hangoskere upre liptscha kerdi uli. Jek terni dschidovkija naschtig ande Palästina naschi geli, oj pomoschago ande mindenfelitike khera lakla. Andi kenva „Böse“ (Klett-Cotta) le islanditike pisimaschistar Eiríkur Örn Norðdahl vasch o ajgeni upre butschalinipe le holocaustistar dschal.

O publicisto Arne Molfenter phukal i schpektakuleri historija le espanitike agentostar Joan Pujol García, savo jek barikano than usi invasijona le alijirtendar upro D-Day ande lija („Garbo, der Spion. Das Geheimnis des D-Day"/Piper).

"Faloskere tschave“

O faloskero peripe angle 25 berscha ande but kenvi upre butschalim ol. Telal o anav „Generation Mauer. Ein Porträt“ (Klett-Cotta) i germanistkija taj dopingakeri upre sikajaschkija Ines Geipel lakeri generacija usar 45- dschi 55 berschengere „faloskere tschavendar“ upre sikal. Te beletristischi avre pisimaschtscha adale epochali keripestar la terneder nimtschka fergaungenhajtatar pasche an. O 1957 ande ost Berlin upro them alo Uwe Kolbe pra kenvaha „Die Lüge“ jek roman pisintscha, savo - afka o S. Fischer falog - „te jek telphenipe uso desinteresi, obste ando sako diveseskero dschivipe vaj ande jek diktatura vaj avre thaneske“, hi.