Seljadin Salijesor
Dzilji: "E R A T H"
Erath, uzo barvalipe, me sijum coro,
Uzo sastipe nasvalo - kaherlimo,
Manus, vastencar sakato, koro,
Bizo khoni, bizo jeri korkoro.
Djikuri, ko agor, e sumnalipasoro,
Nasaldiljum ano suno, laker ternipasoro,
Rodindoj ani tomnina, kamipe amaro savo,
Nikana, na bistrelape, sa dji sijum djivdo.
Erath i tomninaj tani, mi dukh bari,
A mo amal i majphari cidli,
Kasara ulavava, mi jazija kali,
Ani akija rath lalori - kasuki.
Erath phraljaljen vazdava, akija tatji,
So ano late pherdoj, lolji kaplji,
Soj cuco, mo vilo, mi angali,
Thavdela palo late, dive rath,mi asvi.
Erath marava,
Ko bar, ko kas, mo sero,
So nakhavava, mo dzivdipe,
Sar so nakhavi ani stela,o ciriklo,
Mudardilo, o suno,akava taro,
A me ani tomnina, rodava pana,
Lakor kamipe manglo - bi bisterdo,
Laker, terne ternipasoro.
Savi achadza, bari jag ano mo vilo.
Nema komentara:
Objavi komentar