Seljadin Salijesor
"RATH ANDO VUNATO BLJEVEL"
Romaljen! Nasaldjola i tomnina, disjale diveja,
Nasaldjola, tumaro ternipe, nasalde dromeja,
Gudlje kotore mareja, phraljaljen phirdjen,
Dikhljum tumen, tumare dromende, maro haljen.
Tumaro anav, bersencar savoj, na dzandjen?
Rovimnjastar vrahondjen,
Tumare dajatar, o kotor maro rodindjen.
Daj dzandza, o baro barvalipe.
Thaj maskaro tumende,
So ulavdjola, o dzivdipe?
Nasaldiljen, sar, o thuv bavlalaa,
Ano bi lache, mulikane hevja,
Chedindjen tumen ano cerenja racaker,
Phanljen tumen ano masa, cirikljaker.
Caljardjen, tumare vilja asvencara,
Dzangavdjen, e phraljen dromencara,
O jacha,sunencar phanljen,
Premalo kham, horo jekhipasor cidindjen.
Me ano sojba sunarava,tumaro suno,
Oljeja, me godzaa, bijav cerava,
O vesa, korenoa kusava,
Tumen, upro devrijalipaser hezja fordava,
Sar dilino, tumare vilja, dziljaa sascarava.
Te isamen manusikane vilja,
Amen, akala gndipaser lafja,ka hacara,
Gnde, save urjana upro, amare sere,
Save kamena amendara, te sunen, amaro sukaripe,
Thaj amare chavengor,j ekhipasor - phralikano kamipe.
SELJAJDIN SALIJEVIĆ - SALIJESOR
Nema komentara:
Objavi komentar