KULTURAKO ARESIPE - 95 - "ME NAVESTE" - SELJAJDIN SALIJESOR

SELJAJDIN SALIJESOR

Dzilji: "ME NAVESTE" Pecatimij tani ani dujto pustik dziljengir:

"DZIVDIPE MASKARO ROMA"

Ano iranipe:"ŽIVOT MEDJU ROMA"1988.bers

Ki romani chib.Kotar autori: SELJAJDIN SALIJESOR

Ikalipe: JEKHUTNI ATAR KULTURA THAJ SIKAVDIPE - PREŠEVA

"ME NAVESTE"

Me naveste, te sijan manus, sar sa, o manusa,

Korkoro tuth puch, te nasa, te phraljenger dusa,

Cace lji, o devel dindza tuth arman?

Jase na. Ov saj dindza tuth, pestar sa,

Ase tu saj, te makhljan ,to muj cikaa,

Saj phrala, saj.Na sijan koro diokheja,

Sar nakhaveja ,o dzivdipe, uzo te phralja.

Odoljese, ma ladza.So to navij kalo,

Ma te cheljel ti jakh.Dji o meribe,

Ma te dukhal tuth, kana djiko vacerice:

Hej cigo! Gledaj na strani, svoga brata.

A kana irineja tuth te dikhe ,kovaj?

Odovaj tano, to amal. So baslja erati djikas.

Saj te sine bokhalo.Sose? So baro dive,

Phirdza tuvaa, palo drumnja, bare gave.

De tuth godi, kana dzandoj oljeja,

Basaldzan, majsuze dzilja, ki ti cemana.

Andor tute thavdela, sar andor ljeste, jekh rath,

Kotar jekh muj oljeja haljan, piljan,

I phabaj soj, ko ekvas, oljeja uladzan.

Sihindzan, palo tute, bi djendo bahtalipe,

Phradzan, te phaka, sar huti, kana urjala ucipaa,

Pacardzan, to pacipe, devleser sukaripaa.

Odoljese amala, djilab, me naveste,

Me vilesir dzilji. Ano late, ka arakhe,

Serlje bersengor iljaci.

Uduri, kote oj siovela,

O baro pani.Dajekhe, ki men ljela,

O dzivdo manus, e mulje, na pacala,

Jase, o mulo, e dzivde, te sine, bi lacho,

Neka fordel, pe mostar, lafi tato,

Kotar ikljola i atma thaj jekhavbdjona, solduj pre,

Tu amala, sascar manusenger vile.

SELJAJDIN SALIJESOR