KULTURAKO ARESIPE- 96 -"ANO KALO"- SELJAJDIN SALIJESOR

SELJAJDIN SALIJESOR

Dzilji:"ANO KALO"

Pecatimij tani ani angluni pustik dziljengir:

"BAHTALE DIVE ATAR MIRE SUNE"

Ano iranipe:"SREĆNI DANI MOJIH SNOVA"1984.bers.

Ki romani chib

Kotar autori:SELJAJDIN SALIJESOR

Ikalipe:Jekhutni atar kultura thaj sikavdipe – Preševa

"ANO KALO"

Ustindljam, kalje diveja,

Upri phuv, te phira,

Doljisajljam, kotar vas khameja,

Thuv kalo, te sihina.

Phiraa oljeja, ace buth bersa,

Na dzanaa, nisar, sar te terdjova,

Andor drumnja, andor harja, prekalo vesa,

Palo amende achavaa, buth bare gava.

Kaljej, amare bala,

Thardej, amare vasta,

Kotar kham phrala,

Amen palje, palo ljeste prastaa,

Kalje prencar i phuv nakhaa,

Palo amende, kalo drumo achavaa,

Isamen drumo, baro pana,

Na dzanaa. Kana, ka terdjova?

Kaljej, o dive amare,

So nakhlje, thaj so ka aven,

Amare vasta, kotar kham thare,

Thabiljam ano kalo phraljaljen,

Upri phuv, bersencar phiraa,

Sar diline, kalo thuv sihina.

Ka muka lji amen, dajekhvar, e khame,

Korkori, ko mekipe, dzivdipe te cera.

Ano kalo...

Ano kalo sijam.

SELJAJDIN SALIJESOR