KULTURAKO ARESIPE- 97 - "PATRNALE DIVEJA"- SELJADIN SALIJESOR

SELJADIN SALIJESOR

Dzilji:"PATRNALE DIVEJA"

Pecatimij tani ani trito pustik dziljengir:

"KHAMESOR DROM ANO DZIVDIPE ROMENGOR"

Ano iranipe: "PUT SUNCA U ŽIVOTU ROMA" 2009.bers.

Ki romani chib

Kotar autori: SELJADIN SALIJESOR

Ikalipe: SAJEKHUTNIPASIR KOMUNA - PREŠEVA

"PATRNALE DIVEJA"

Perena, o patrnja, atar dengja kastenger,

Dive, upro dive, anglo ljeste, so nakhlje,

So sukar tharunena, o cerenja,

Ano akala dloga, kalje raca.

Saj tano ano jeluno,

O aindza thaj o buvljardo guvno,

Sa jekh, palo jekh prastana,

Dive diveja, po dzivdipe mothovena.

Dikh. Soj sukar odola patrnja,

Tharuni, o kham,

Dzilabena, o ciriklje,

Sar ljenjaker, fordime miriklje.

Loloj tano, o miriklo,

Loloj tano, o kham,

A o patrnja, sar, o rup jelune,

Bas, sar soj i suni parni.

Perena, o patrnja,

Nakhavde, dive diveja,

So sukar tharunena, o cerenja,

Ano akala, kalje raca.

SELJADIN SALIJESOR