28. 07. 2014.

Romengero-Aktivisto I Surija Mehmedi

O lek buteder flogoskere grupnakere dschene duj vaj buteder tschibtscha te vakerel dschanen. Lengeri tschib o Romanes hi. Dschi uso 20to schelberschengero o Romanes tschak andi vakeripeskeri forma delahi. Agun i Romengeri kultura duach lakere inditike vurclini pregim sina.

Radijo Burgenland | Roma sam
28.7.2014 | 20:50-21:10 orenge
Radijo Burgenland | Livestream

Mindenfelitike koji upre lim ule

„Ando naschipe le schelberschendar i Romengeri kultura te kultureli koji andar odola vilagi upre lija, kaj agun dschivnahi taj kaj adi meg dschin“, phenel o horvacko Romengero-Aktivisto Surija Mehmedi. „Phure, tradicijoneli koji la Romengera kulturatar afka ando naschipe la cajtatar naschade gele“, o Mehmedi meg use phenel.

Tschib dschivdon te likerel

„I tschib - o Romanes - taj afka i identiteta amara flogoskera grupnatar, khetana butjaha le cile Romengere organisacijendar, upre likerdi iste ol“, phenel o Surija Mehmedi.

Roma-Service

Surija Mehmedi - but berschengero Romengero-Aktivisto ando Horvacko

„Amari buti hi, ada barikano kulturakero koja amare Romenge pascheder te anel. Igen sorale diklo iste ol, hot amare tschave taj amare terne i dajakeri tschib papal te siklon taj afka lakero meripe upre te likeren“, phenel o Mehmedi bajder.

Buteder pedar, schunen tumen hetvin andi sendung „Roma sam“ upro Radijo Burgenland.