EVROPAKO ROMANO LIL

Amen na dschanahahi so amenca keren

Nisaj koji nana esbe te lel, hot le Romenge bibastalipe kerdo ol. Ham kada akor o nimtsche nimci adaj sina, o Roma naschtig buter naschi gele. But lendar ando logertscha ledschim ule. Tschak tschule adale bibastale tradipestar schaj naschi gele.

On demand | Roma sam | 10.3.2014

Start / PauseStumm schaltenLeiserLauterVorspulenZurückspulen

DPA

Aguno logeri Auschwitz-Birkenau

„Sa, so te ledschel dschanen, khetan te keden“ mint on adatar upre jek avro than ledschim on. Afka mindig mri daj le mange phukavlahi, phenel o Janos Horvath. On ando logertscha ledschim taj murdarde ule, afka o Horvath bajder.

La dajaha taj la phenjaha naschi gejom

Mindig ando vescha iste amen garujahahi, phenel o Horvath. Odoj te avre Romen talalintscham, saven ham na prindscharahahi. Taj akor te gadschen delahi, save amen garunahi. Igen baro tschoripe sina, mri phen andi bari bok, muli. Na delahi nischta te hal taj tschak mindig kartschi denahi, phenel o Janos Horvath.

Kada o rusti ale sa ar sina

Telal i phuv odoler bunkertscha sina, ande saven amen garujahahi, phenel o Janos Horvath. Taj akor, kada o rustitike nimci ale taj le nimtschken pal dschuminde, akor sa ar sina, afka o Horvath. O rusti akor te hal amen dine. On igen kamnahi amen taj te upre amende diknahi, afka o Horvath bajder.

Buteder pedar, schunen tumen hetvin andi sendung „Roma sam“ upro Radijo Burgenland.

http://volksgruppen.orf.at/roma/aktujeli/stories/2633652/