Butjakero fabot le tschorengere badariske
AFP
Pre pacijenge o Christophe Lamarre jek igen barikano manusch hi. But le imar sajt bisch bersch prindscharen. Schaj gondolim ol, hot manuscha, saven pumen dschenenge ande bescharen, pomoschago roden.
Argumento la badarengera kamerjatar hamischan hi
Jek medicineri andar Roubaix vasch pri vodschikani buti le tschorenge - akan i „Krankenkasse“ vasch leste angle dschal.
Ham ari alo hot leske nischta angle tschidim schaj ol, nisaj hamischago vaj medecinischi feleri. O angle tschidipe te perel muklo ulo, ham mindschart avrestar parudo: pedar aktiviteta. O argumentscha la nord francitika badarengera kameratar hamischan hi. Adala upro presejakere pisintschage sikan, save latsche le ande beschipeske Lamarresiske pisinen, save pe le Romenge ande bescharel.
AFP
Badari Lamarre use jek Romengeri familija
Jek badari na tromal pe jeke kipoha ande jek papruschengero nevipe verbung peske te kerel, phentscha hojam i badarengeri kamer.
Ham butvar badartscha papruschengere nevipendar interviewt on taj lengero kipo tel dschumim ol, taj niko valaso phenel.
AFP
Badari Lamarre pomoschinel jeka Romengera familijake ande pri schutschi aguni praksis ande Roubaix
Romengere familiji ande leskeri schutschi praksis
Afka but pumen phutschen, te pe o ande bescharipe le Christophe Lamarresistar, o aktujeli klima la Francijatar uso khelavipeskero faktor ulo. O badari ando lejcti duj masek ando mediji igen soralo te dikel sina, kaj ov but Romengere familijenge ande pri aguni, akan schutschi praksis than te atschel dija.
Ando septemberi 2013 phuterde o harengere lengeri sidlung pasche le forostar upre. Kada o badari anglo than but leskere pacijendar papal prindschartscha, telende phare nasvale, ov len lengere familijenca upre lija. Lamarre akan phentscha, ov kamla i duj masengeri cajt, o butjakero nugodinipe odoleske te nucinel, kaj odola familiji atschipeskero than te uschtiden.
Nema komentara:
Objavi komentar