Le maj jekshipesko pecimo
Írta: Ravasz József
O phuro rom xojajlas pe zhukela.Nashtig
nashtig phenav, hoj kadi anda dar
avilo. But vrama chi zhanglam kadi tajna, ke
khanyikas chi mukhlas karing peste.Jek dyes nuro kerdyilas pe tajna. Akanak
kadi phenav tumenge.Ganga, kade busholas o phuro rom ,ande romesko péro
rakhadyilan .Kana cino sas but butyi kerdas kothe, le romen, sityardas, kaj
beshlas.Varisar chi fajlas les e romesko pero hoj kade kharen.Varikon te
pushelas les chi zhanglasas te del duma
palpale. Na e romenca sas kathe bajo kaver sas,o bajo.
Ganga phendas sogodi kerla hoj kaversar te
kharen kodo kaj voj beshel.Bersha nachile ,de e romesko pero vakanak romesko
pero.Gnaga aba sogodi opre das ando pato gelas ke khino sas, thaj sutastar.Suno
dikhlas. Lesko dad terno sas,kana jek strjino naciovo maripe phendas le
manushenge.Le rom zurales darajle, patyivinas o kaverimo. Chi kamle te keren
marimo angla kavera naciovuri.
Mashkar amende si but lashe manusha ,kon
zhanen pengi sakma lashe sityardimaske.Pushka chi lenas ande pengo vas.Chi
kamen te maren pe. So te keras ?Le phure romengo grupo aba pe but dyesa aba
vorbin pe. Chi zhanas so avla .So phena pa amaro trajo.Phende trubuj ta zhastar
anda dulmutano them!Trubuj te zhastar
míg chi rakhas jek kaver them.Jek kasavo them ,kaj pale pacha rakhas.
Vikade sas. Kaver dyes gelam podrom ame
rom.Kana ande perzhija resle,feri dikhnas .Kadi kaver lumaj majshukar sar so
sas amengo them..Le Gangesko dad ,kon Biri
Busholas, buty kerdas sigo kothe. Cerha marnas pe forosko agor, haj
kethane beshnas le phure. Sar le phure vorbinas jak bari bari chora gelas po
burr.
-Kár-kár…..das duma pe manushipesko glso.
Zhanav kon san tume thaj kathar aven. Vi
kodo zhanav pachake manusha san, thaj chi kamen o marimo. De jek trubuj
te zhanen. Nashtig zhan sakana majdur. Nyevo them te rakhen chavla cini
butyi.Vi kodo phenav te na keren ke feri
pharimo.
-Atunchi so te keras ?- das vorba adre Biri
phuro rom.
-Mishto phenes.Na dulmut ashundom, hoj o
amperato pej rom bari butyi del.Te keren
kadi butyi,atunchi pa jek kasavo naciovo vorbila e luma, kaske pelda naj inke jek –phendas majdur e choka.
-Kathar zhanasa hoj soski butyi den
amen?-pushlas palpale Biri .
-Kár-kár….-kodo maj atunchi
zhanena.Malavelas peske phakenca e choka thaj uradas majdur.
O kham aba uches opre phirel po cheri,kana
Ganga opre ushtyilas anda pesko suno. Peske jakha moresardas, ke chi kamlas te
patyal peske sosko suno dikhlas. Kade gindisardas hoj pa kado suno ,aba
vorbilas varikasa. Avri xuklas anda pato thaj opre uradas pe sigo. Sigo pasha
ab gelas .Pesko shero ando ab shutas, palakodo kaj pesko kasht gelas telal.
Ande pesko shero kodo gindo sas so e choka phendas leske dadeske bari butyi
avla tume!
-Soski butyi ? - gindilas pe. Muro dad kana trajijas, butivar phendas,hoj
ame le rom chi erdemlisaras kodi so kathar
e pogano manushendar las sako dyes. Kodd so keren amenca –pej droma, lazharen
amen. E romesko pero apol kodi jelentij hoj amaro nipo avri si shutime anda maj
but manusha.
Mange trubuj te kerav te pinzharav ,opre
kadi haj te kerav kodi so trubuj!Ganga pale sutastar ande pesko suno dikhlas e romego them.Shukar
sas o cheri.Thaj ande pesko ilo puterdyilas o vudar. Andre gelas. Rakhlas pesko
kher. Andre gelas kothe kaj amare sune
sityuvas te zhanas avri…
Darajlas kana opre ushtyilas.Thaj aba
zhanglas so treubuj te kerel. Aba chi xojajlas pe zhukela.Thaj pa kamipo but
butya avel ande ameri godyi…
(Ravasz József: A legigazabb történet című
meséjét lováriara fordította: ifj. Rostás Farkas György)
Nema komentara:
Objavi komentar