KULTURAKO ARESIPE - 89 - "KORKORO MANCAR" SELJAJDIN SALIJESOR

Dzilji:"KORKORO MANCAR"

Pecatimij tani ani dujto pustik,cedalin dziljengir:

"DZIVDIPE MASKARO ROMA"

Ano iranipe:"ŽIVOT MEDJU ROMA"1988.bers.

Ki romani chib

Kotar autori:SELJAJDIN SALIJESOR

Ikalipe:Jekhutni atar kultura thaj sikavdipe - Preševa

"KORKORO MANCAR"

Besava korkoro, maskaro star duvarja,

Mi godi pacardi ano bare kovarja,

Andor aindza, andor vesa ,maskaro hor harja,

Me, dive rath hanava vastencar, po sukar tajsa.

Anglo mande, star duvarja dikhava,

Me vilestar, dukha ikalava,

Kana me godzatar, mothajbe hanava,

Me chavese, parno gad sivava.

Mangav mo chavo nevo gad, te urjavipe,

Te dzanel ov, te na me.Soj, o ternipe?

O sukaripe ,o dzivdipe,

Maskaro, akava sumnalipe.

Maskaro star duvarja besava,

Godzatar, mothajbe hanava,

Sar lolje luludza, vadinava ljen,

PO SUKAR TAJSA,E ROMENJE,TE PHRAVEN.

SELJAJDIN SALIJESOR