KULTURAKO ARESIPE - 92 - "ADJICERAVA" - SELJAJDIN SALIJEVIĆ - SALIJESOR

SELJAJDIN SALIJEVIĆ - SALIJESOR 

Dzilji:"ADJICERAVA"

Pecatimij tani ani dujto pustik:"DZIVDIPE MASKARO ROMA"

Ano iranipe:"ZIVOT MEDU ROMA"1988.bers.

Ki romani chib.

Kotar autori: SELJAJDIN SALIJESOR

Ikalipe:Jekhutni atar kultur thaj sikavdipe - Preševa

"ADJICERAVA"

Adjicerava me rath, dive,

Korkoro, na dzanava, sose?

Kotar sero kusava, me kana,

Najencar ikalava, me jacha,

Phanlje musjencar harovava, me bala,

Sar okova manus othe, so besela,

Jase okova, palo mande,

Maro, so hala.

Te hav, korkoro mo mas,

Sar zaradija anglo peste, so dikhela khas,

Te dikhav, korkoro man ani ajna,

Cace lji, ka phenav? Sunava, sa andor kana.

Adjicerava me, sar bar besljardo,

Samci kana sijum ani phuv batimo,

Ljeljape, mi chib,

Jekh lafi nasti, te vacerav.

Na dzanava. So sijum? Manus, jase bar,

Khuvela man manus preja, sar, o bar bas,

Terdjov bre as! Citut mandar nas!

Ti morti i kalji, adjahare tani ti phenli.

Na dzanav. So sijum? Manus, jase bar,

A te sijum manus ano akava sumnalipe,

Mukenma, te cerav, sar sarine dzivdipe.

NA DZANAVA.SO SIJUM? NA DZANAVA...

SELJAJDIN SALIJEVIĆ - SALIJESOR