O xoxamno Joka
Írta: Nagy Gusztáv
Sas kaj nas, sas jekhvar, jekh chorro rom. Xoxamno Joka
sas lesko anav. Kattyi shavora sas les, ke chi zhanlas te ginavellen. Sas les
vi jekh cino vicolo. Phenel jokhvar peska romnyake.
- Muri kuch romnyi, tele trubul te shinas e ci ne
vicolos. Lesko mas kiravas, xas les, e morchi pale bikilas.
Vi kade kerdas o xoxamno Joka. E vicolos tele shindas,
leski morchi tele kushlas, lesko mas pale peklas, e morchi pale pe jekh rovlyi kecisardas
apol po phiko lasla, thaj las o drom angla peste o x6xamno Joka. Gelas perdal
ando kaver gav, haj lel te cipil pe vulica.
- Kinen morchi!
O jekh manush cerra shinavel pelate, o kav er maj but,
haj inke chi della. Sakoneske kado phenel, chi davla.
Pala leste zhalas jekh zhukel. Dikhel e vicoloski
morchi, haj opre xuttyel palalate te cirdela tele. O zhukel bashol pe morchi, o
rom pale phenel:
- Ahaj, te dema opral varisode, ke kattyenge chi davla!
O zhukel inke majfeder basholas.
- Pe trin rup tu ke davla - phendas o rom.
O zhukel hap ... tele e morchi, haj ingerdasia kaj e
krajeski ~opa, so sas telaj dyiz. O rom cipil pala leste.
- Mo, teme Raja, kaj ingresla? phendom, ke kattyenge
chi davla, sodenge maglanla! Anaba kathe le love so shinadan, ke me kothe dom e
morchi! So kames mandar? Dileske dikhesman? Dikhen numa sar assal pe mande!
Sar zhalas maj pashe karing o zhukel kade rudyijas
leske.
- An kathe muri morchi!
O zhukel pale basholas sar te azbadosas les varikon,·
haj las te cirdelpe ande gropako kolco. O rom pale pala leste. Haj sar unzolas
pal aj morchi o zhukel xukhlastar. Sar xukhlaslar mujal das jekh bari bradyi.
Kana dikhlas o rom ke sosi ande piri eftavardesh thaj eftavar mardasles avri o
paji. Sa somnakune love, galbi, peline avri andaj bradyi. Phenel o rom e
zhukleske:
- Mo, dile me chi xolyajvav pe tute, tuke davemorchi.
Pala kado xutyildas e bradyi kusa but somnakaj, haj
g~las khere. Sar voj reslas khere aba e romnyi cipilas dural pe leste.
- Ta, tu dilo keres anda tute. Sakon kodo phenel ando
gav, ke tu dilyajlan, kaj e zhukleske bikhnes e morchi.
O rom chi del anglal feri shol o kan. Jokhar numa cipil
jekh baro pe romnyi. - Ash! ke te shinotujekh ...
- E romnyi mucisajlas. O rom pale gelas late, haj dasla
angaja.
- ~uri kuch romnyi, kattyi.galbe dasma o zhukel, savo
las amari morchi, ke vi
amare shavorenge shavora, shaj barvajven anda lende.
E romnyi dikhel po rom, chi tromal khanchi te phenel,
feri gindil, ke o rom chachikanes dilojlo, haj las te rovel.
- Na roy dilyore, ke dikhta so andom tuke, thaj lela te
putrel avri pesko zubuno sosa sharadi sas e bradyi. Kana diklas e romnyi e but
galbi pe changa das.
- Muro romoro, kas mudardan?
- Na dara khanchi, ke o zhukel das sogodi.
Kaver dyes thaj lela o rom haj e romnyi phiren le
vulici te kinen penge o maj shukar kher. Vi kade sas. E gavesko maj shukar kher
kindine. Pala kodo kindine grasten, gruvnyan haj sogodi so nasle angla kadi.
Kana dikhlas e gavesko baro Raj lazhajlaspe kathar o rom, haj gelas leste.
- Phenta Joka, sar kerdyilan maj barvalo sar me?
- Bikindom mure vicovoski morchi, thaj pe morchi kattyi
love lom, ke barvalo
kerdyilom.
O raj feri dikhlas porom haj xojardes gelastar khere.
Kaver dyes o raj tele shinandas peske guruven le slugenca, pala ko do avri das
ando gav e manushenge, te kecin le morchan pek rovji, thaj te phiren pa jekh
vulica pe kaver. Shaj phimas, ke chi o zhukel chi basholasle. Anda kado o raj
kerdyilas chorro, anda rom pale barvalo. Vi shute pe leste e gazhe o anav, o
xoxavno Joka.
( Tele ramondas les o Nagy Gusztáv)
Nema komentara:
Objavi komentar