Amaro choxano
Írta: Ruzdija Russo Sejdovic
And-o kaniono e Morachako, sadaj e Podgorica karing e
Bioche, e lejako paj
Jekh shudri o pash e rat, ivend kana o iv delas peske,
e romen save sovenas anda pechina 3ungadas o phiripe p-i bar sadaj e Moracha.
3ungandos, e kapencha p-o shero dikhenas k-i rig kaj ashundonas e punre save
marenas p-i bar.
I rat sasas thuli, o chon ni dikhlolas pe’, thaj trujal
shtrafinelas i cikni jagorri savi po lokhes phabolas angla e pechina. Thaj,
andar e jekh drom dikhle e choxanes e shliemoncha p-o shero. Astarelas anda
vasta e jagali thaj phirelas sar askeri, marélas punrenca.
E rroma, darane, dikhénas sar o choxano pashol lenge.
Thaj kana anglal e jagorri achilas, thaj kana lias te perel p-e changa, dikhle
bari ratvali xiv p-e lesko chikat. Kothe p-o chikat dikhlolas bari xiv.
-
Choxano! – phenel jekh.
- Phande
to muj, mo! Dikh le’ maj laches – phenel aver.
- Avel
andar e India?
- Thaj
ma patav, akava hi amaro!
- So
mangel?
- Bicim
hi khino, mangel te sovel.
- Te
keras leske than amence te sovel. Sar manush.
O choxano telardinos p-e pe’ changa putrelas p-o muj.
Dukhavde mujesko sar kaj rodelas te xuláren leske dosha lestat.
Thaj e jag mulas.
E pechina te sa trujal pele and-o kalipe. Jekhto o
Moracha ashundolas sar marel p-i bar.
Uteharin e rroma lie te laden, thaj po lokhes sadaj e
Moracha lie angle te phiren. Na dur sadaj e pechina kaj suteca, kothe kaj e
Moracha chudel p-opaj dikhle jekh xirado sljemo.
Gada dikhle kodova sljemo, e rroma lie te daran te sigo
prastindos te roden kodole choxanes, a nikaske ni mothodinaljo.
Naj vov sakonesko. Vov hi amaro choxano.
Nema komentara:
Objavi komentar