Translate

15. 01. 2015.

Jek dschivipe la muschikake



Jek dschivipe la muschikake

Ando novemberi 1956 ande tschule kurke valami 180.000 ungrike pedar i burgenlanditiki granica andi Austrija naschi gele. Andi srastunengeri vora andi Tikni Martona ando 4to novemberi 5.000 naschigejaschtscha aun ale. Jekoschne dschene, familiji, dschuvla, murscha taj tschave – on sa o pharo naschi gejipe upre pumende line, kaj pumen ando bastalo nochberiskero vilago schaj retinde.

Andar o Ungriko naschi lo gelo

1956 o Stefan ojs schov berschengero tschau pra dajaha taj pre dadeha ando gav Großwarasdorf, Burgenland alo. Odoj pre papustar o schukar instrumento cimbal te cidel siklino. Sajt leskero deschtriti dschivipeskero bersch, o Pisti, sar lo leskere pajtaschendar akardo ol, ando them dromeske hi. Ov ando lek bareder hoteltscha taj ando lek feder habeskere khera, cidlahi.


             Stefan Horvath
Stefan Horvath mit Band

Jek dschivipe la muschikake

I holanditiki kiralkija Beatrix, o presidentscha Mitterand taj Mubarak, i Hollywood schauschpilerkija Goldie Hawn taj but avre barikane dschene, leskeri muschika te schunel uschtidine.


Stefan Horvath
Stefan Horvath mit Roy Black

1993 la Austrija ande le André Helleriskeri show „Magneten“ upro Nimtschko Teateri München, fatretintscha. 1998 o triti than uso mulatintschago „Krone der Volksmusik“ jerintscha.


Stefan Horvath
Stefan Horvath mit Loyko bei Magneten

2006 andi kenva „Zigeuner Roma Menschen“ le Erich Maria Schnelleristar leskeri dschivipeskeri historija tel pisim uli. 2008 ojs erschti austritiko „Zigeunermuschikaschi“ le ungrike Duna TVistar akardo lo ulo, ande jek live-sendung te cidel.

Buteder pedar o Stefan Pisti Horvath, schunen tumen hetvin andi sendung „Roma sam“ upro Radijo Burgenland.

http://volksgruppen.orf.at/roma/aktujeli/stories/2688481/

Nema komentara:

Objavi komentar