O shimijako - Az egér
Írta: Nagy Gusztáv
Sas kaj nas, sas jekh phuro rom thaj ekh phuri romnyi. Bi shavorengo trajinas pengo trajo, baxtales thaj patyivales. Jekh dyes a phuro gelas te shinel char peske grasteske,so dikhel, jekh bari chiriklyi tele mukelpes anda o ajero, thaj opre astardas jekhe cine shimijákos. De o Rom, sunusardas le cine shimijakos, thaj cipisardas pej chiriklyi: - Muk le cine shimijakos, ke pushke davtu!
E chiriklyi darajlas thaj tele peradas le cine shimijakos. Kodo pale nashlas kaj o phuro rom, thaj phendas leske: - Inger man khere, ande tyo kher, ke najma khonyik, kon sama te lel pe mande! O phuro rom, baro dikhlas, ke o cino shimijako vorbil. Gindisardaspe thaj phendas: Shaj aves, ke chikade naj man shavora, thaj tu avesa muri cini shej.
Sar avri phendas o phuro e vorba,so del o Del, anda cino shimijáko, jekh cini somnakuni shejori kerdyilas. Ingerdasla khere,thaj phendas peska romnyake, te bararela opre. Vi kade sas. Kana bari kerdyilas e shej, avilas e vrama te zhal romeste.
Phenel e phuri ronyi le phureske: - Dela kothe tyira sha, kasave manusheske, kon patyivijala: Phenel o phuro: - Kothe davla le Khameske! Thaj vi akharen le khames.
O kham pushlas le phure romes: - So kames phure mandar?
Ake, kathej kadi shej, te faja tut ,tuke davla, le la romnyake. Phenel e shej: Muro dad,kado man chi trubul, ke zurales tatyimo mukel avri anda peste. No gelastar o kham,thaj phendas le phure romeske, te zumavenpe le nuronca. Vi kade sas, akardine le Nuros,vi kodoleske kodo phendas e shej, ke chi trubujla, ke kodoles phurdel e balval.
Las o phuro rom thaj akhardas le balvalya.Le mura sha, tuke davla-phendas la balvalyake. E balval nas lashi la shake, ke e bal rutoj,-phendas. No, atunchi zumavas ame, le bare plajesa, - phendas o phuro.
Gele kaj o baro plaj, chi kodo chi fajlas la sha, ke kodo pale,zurales capenoj thaj zidoj.
Pushel o phuro le plajes,ta phrala, zhanesas te phenes mange varikas, kon lelas mura sha romeske? Sartena, phendas o plaj. Zumaventume le shimijakosa,kon sakana, perdal fredyelojpe pa mande, thaj but xiva kerel ande mande, kodo shajke faja tyira sha. Vi kade sas, malagyilas o phuro rom thaj e shej le simijakosa. Kana dikhlas les e shej, loshajlas, tha das angle peske dadeske: Muro dad, kado fajma, ke kadoj muro nepeto, muro rat, kadales kamav te avel muro rom, ker kade te avav pale shimijako! Ke kamav te avel man but shavora.
(Forrás: Nagy Gusztáv / Romanes vorbinas)
kethanodrom.hu
Nema komentara:
Objavi komentar