KULTURAKO ARESIPE - 65 - "TOMNINA" - SELJAJDIN SALIJEVIĆ

Dilji:"TOMNINA"

Pecatimij tani ani trito pustik,cedalin dziljengir:
"KHAMESOR DROM ANO DZIVDIPE ROMENGOR" 2009.bers.
Ki romani chib.Kotar autori: SELJAJDIN SALIJEVIĆ - SALIJESOR
Ikalipe: SAJEKHUTNIPASIR KOMUNA PREŠEVA

"TOMNINA"

Thabljovaa ani tomnina,
so dikheja ? na pacaa,
samci, kana nanamen jacha,
anglo amende pipinaa.

I tomnina, amare jacha kicini,
dukha cidle, amare vilje sihine,
a amen trajinaa, sar i ljen,
samci kana, na dukhanamen, o rane.

Besaa, bersencar ani tomnina,
jekh jekh, na dikhea, so ceraa,
dji kana ani tomnina, ka besa ?
tharunipe, jachencar, ten a dikha.

Dikhen, kana usten ko pre,
maskaro tumende, khuven tumare sere,
korkori tumencar, muj marena,
samci chavena, kana na barjarena.

Ah devla ! amare dukhaj tane,
but bare. Sose ?
i tomnina,
pacari, amare vile ?

SELJAJDIN SALIJEVIĆ