KULTURAKO ARESIPE - 80 - "ANDOR BARO SUMNALIPE" - SELJAJDIN SALIJEVIĆ - SALIJESOR

SELJAJDIN SALIJEVIĆ - SALIJESOR

Dzilji:"ANDOR BARO SUMNALIPE"

Pecatimij tani ani trito pustik, cedalin dziljengir:

„KHAMESOR DROM ANO DZIVDIPE ROMENGOR"

Ano iranipe: "PUT SUNCA U ZIVOTU ROMA" 2009.bers.

Kir romani thaj gadjikani chib

Kotar autori:SELJAJDIN SALIJESOR

Ikalipe: SAJEKHUTNIPASOR KOMUNA – PREŠEVA

"ANDOR BARO SUMNALIPE"

Trajli tomnina, perela upro ljeste,

Thabljona, o jaga, ljeser vileste,

Dzangavdjona, o cidle,

Avena dukhavde dzilja, ljeser mujeste.

Upro ljeste, thabljola i suni,

Ov ljela, te dzilabi i dzilji runi,

Teg terdjona o cerenja,

Kotar dukha dubonenger, perena,  o patrnja.

Dzilabava, mi dzilji runi,

Kotar baro sumnalipe sihimi,

Dajencar, dadencar, soj vadimi,

Amare vilencar, soj rovjardi.

Sinela i daj, jekh chajori, jekh chavoro,

Olakor vilo bahtalipaa, sine pacardo,

Ase jekh dive, ulo lace losalipe baro,

Achilo lakor vilo, oljenje tharo.

Igardzaljen i bavlal ano sumnalipe baro,

E chaja cerdza daj, e chave dadoro,

Terdino, o kham, sose hem oljese alo pharo?

Dinja ljen arman, te na ovelljen stalo.

O kham, ljengir chib thardza,

Cidlencar thaj dukhencar, ljengor dzivdipe sucardza,

Thaj adjahare upri phuv, oljen mekljardza,

Phral phralje ponodori, na dzandza.

suni - mesec

sumnalipe - svet

SELJAJDIN SALIJEVIĆ - SALIJESOR