KULTURAKO ARESIPE - 67 - "KASUKE HAPJA" -SELJAJDIN SALIJEVIĆ

Dzilji:"KASUKE HAPJA"

Pecatimij tani ani angluni pustik,cedalin dziljengir:
"BAHTALE DIVE ATAR MIRE SUNE" 1984.bers.

Ki romani chib. Kotar autori: SELJAJDIN SALIJEVIĆ - SALIJESOR
Ikalipe:Jekhutni atar kultura thaj sikavdipe – Preševo

"KASUKE HAPJA"

Kasuke hapja, fordime, hor ani rath,
Sudre, mulikane, zoralje ustavcerde,
Manusestar ani phuv, hor sihime.
Sudri muvlji, pacardza amare kana,
Sar duj bare, suze cerenja.
Fordimo sijum othe upral,
Upro kasuko cher, upro kasuko drumo,
Upri kasuki lumi,
Kasukoj mo hapi,
Kasuko sijum me, cher sar mande baro,
I ljen ani lumi fordimi,
Mi godi ani phuv sihimi,
I lumi kasuki, sar o cher,
Kasuki, sar ljen,kotar manus fordimi,
Cherestar pase sihimi.

Sihimi i ljen, sar o kasuko manus,
Hapjardo o cher, sar i fordimi lumi,
O hapi fordimo, kotar manus,
Maskaro cher sihimo, andi ljen nakhavdo,
Fordimo ani lumi, uzo manus,
Kasukoj o manus, kasukoj o hapi,
Fordimo sihimo, ljenjardo,cherjardo,
Manuseja lulumo.

Kasuke hapja, khudje hor ani rath,
Maskari ljen, atar o cher,
Manusestar lumime,fordime thaj sihime.
Kasuko sijum me,
Kasukej me hapja thaj fordime,
Ljenjatar astarde, cherestar nakhavde,
Ani lumi sihime, kasuko sijum me...kasuko...

lumi - priroda
jekhutni -zajednica
sikavdipe - obrazovanje

SELJAJDIN SALIJEVIĆ