KULTURAKO ARESIPE - 69 - "DZI BERSENGOR JEKHIPE" - SELJAJDIN SALIJESOR

Dzilji:"DZI BERSENGOR JEKHIPE"

Pecatimij tani ani trito pustik, cedalin dziljengir:
”KHAMESOR DROM ANO DZIVDIPE ROMERNGOR" 2009.bers.
Ki romani chib.Kotar autori: SELJAJDIN SALIJESOR
Ikalipe: SAJEKHUTNIPASIR KOMUNA – PREŠEVA

"DZI BERSENGOR JEKHIPE"

Bajaceren tumaro imri, bajaceren,
Sose? Tumare chave,
Sastrnalje udara, ka phraven,
Premalo kham, lolje luludza, ka sihinen,
Bersencar, pe phuvjace, mekipase, ka peren,
Avdisutne, bahtale, Ovtoto aprileser divese,
Carjalo, modro - vunato barjako, ka vazden.

Kotar ljenger naja i phuv, ka pharjol,
Lolji car, upri phuv, ka nicondjol,
I bavlal, palo peste, neve dzilja, ka legarel,
Khameja manusen, ka sihinel, but Roma,
Maskaro peste, Ka vaceren, dikhen phraljaljen,
So suzo dive dodzacerdzam? Nane akana,
Te phira, o gava, te manga, sar kore, andor chera.

Sovamne, upro vorda pasljovindoj, te terdjova,
Ko fil gada sovdije, serat, te achova, gndindzam amen,
Ace but bersa, o avdisutno dzivdipe,
Dive, Ovtoto aprilesor ano mekipe,
Romane barjrakoa, te nakhava,
Phralipe, bersenger jekhipaa, te phanda,
Phralikano avazi Romano.

OVTOTO APRILESER DIVEJA,TE BAJACERA.

SELJAJDIN SALIJESOR