Poema:"DUR PE CHERENDAR"
Odova manus, kaser vasta,
kotar buti zoralje,
a o jacha phravde ulj,
bi sovde, bestoj ko pre,
sar o kas, bi dengorencar.
Kaser ljspe…
o suko, palo nilajser dive,
ki phuv pharadja, cica po vas ki cham,
pe chavrengo gajlje,
upro peste nakhadza.
Ah! me chave,
me chave tikore,
maro ka mangen,
ka han, ka pijn,
mi muka, na ka dzanen.
Gndini o manus, buti te cerel,
pe chave, ko seras te fordel,
ko phuripe, rahatloko te cerel.
Cerel buti ov, korkoro,
kotar buti, saj te ovel pharo.
O vasta manusese,
bucace ulje,
o manus, buti te cerel,
sa dji kana, o canga akharde,
thaj o jacha phravde.
O manus gindidoj,
pe jacha, ljelja te phandel, ,
pe vast ape canga te mekel,
oljosar trupi, but pharo chindo,
ano baro suno pela.
O manus dikhljari, baro gudlo suno,
sar pe chaven romnjardza,
a pe chejen romeste dindza,
sar ulo but phuro,
jal baro zevko, peloljesa, ko sero.
Dikhla o manus suno,
buti te cerel, bare asja te ikaljel,
ljelja te dzal ov, ki odija bari buti,
ki odija bari buti, oljesa bidzandi,
kotar ljesar chave, hem cher nasaldi.
Ma spiden tumen romaljen,
sarine, ki macina ka uklja,
sare ko seras, amare seja ka achava.
Beste o roma, ki macina, ki buti dzana,
atar, po bijando than nasaldjona.
Jekhes, uzi pandzero, so besto...
o asva o ljestara, ljelje te thavden,
o vasta oljesera sapancerdje,
jekh dujtone dolinja,
po krotko, ljelja te phene:
Okola aindzate, me fasal chindjum,
olatar, me chaven parvardjum,
o roma, sa okolje dikhena,
thaj pe godjaa gindinena,
oljengor muj, jekhvastar,pi nasi prominena.
Ko ljengo vilo,
sa kana, vodenicakor bar pelo,
a o chungar achilo, stegimo ano krlo.
Oljengar asvalje jacha,
po dikhiba andir pendjerja fordindje.
Trajiba taharo, upro ljende pelo,
sakova oljendar, isilje doso, ko vilo te mothavi,
oljengor gndiba, urjala, ko sa o rigja,
a dji I macina, bi aicerdo, palo peste,
fordela, e manusenje tharsime.
I buti andzaljen,
i buti durjardzaljen,
pe chaven achadje,
pe romnjen, pe dejan, pe daden.
Sa ol buti cerena…
Bare asaja ikaljena,
hana pijena, ase palje,
oljengor vilo cuco achola,
khanci, pop hare nane, kana sijen dur,
kotar, te chave, kotar ti daj thaj kotar, to dath.
AUTOR: SELJAJDIN SALIJEVIĆ – SALIJESOR
Nema komentara:
Objavi komentar